Minsan May Isang Torpe

minsan may isang torpe. WARNING: this is a long read. first post in Filipino. di ako makakatulog hangga't di ko ito mai-post. wala akong pakialam kung may makakabasa ba nito o wala, basta outlet ko itong blog ko.

minsan, napag-isip-isip ko. bakit ba ako kabilang sa NGSB Organization? Anong NGSB? Itanong mo sa buwan, sasagutin ka ng araw. siguro, hindi ako napagkalooban ng genes para sa lakas ng loob. siguro dahil late-bloomer ako. siguro nung bata ako, may namigay sa barangay namin ng confidence, kaso katutulog, nasa huli na ako ng pila. doon tuloy ako napunta sa pila ng creativity at intelligence, wala kasing masyadong tao. hindi ako nagtataka. tignan nyo na lang ang pulitika, puro confidence, wala namang... ...wag na, ayoko makulong, at in fairness, may matino naman sa kanila kahit papaano.

hindi itinuturo sa paaralan ang panliligaw. tinuturo lang nila kung paano maging nerd. sana man lang meron isang elective course na panliligaw 101. pero hindi pa rin eh. in-born skill tlaga yan eh. o talagang pinanganak ka lang na makapal ang mukha.

nung graduation ball namin, meron kaming torpe table. pero meron ding pakipot table. self-explanatory. it takes two to tango. hindi namin paipaliwanag. parang napako ang mga paa namin sa sahig. hopeless romantics. pag nakatayo na, isang hakbang pa lang, parang binomba kami ng tubig ng bumbero. parang may force field. pero in fairness, nai-last dance naman namin sila. lucky girls...

at isa pa, kaya may mga torpe. dahil sa friendship. ayaw kasi masira ang friendship eh. haay... friendship or lovelife? ito ay isa sa mga ironies na hindi ko talaga maiintindihan.

bakit kaya may mga pinanganak na torpe? o sadyang nasa pagpapalaki ito? feeling ko nasa kultura. dito lang sa Pilipinas nanliligaw ang lalaki. sa ibang bansa nga kelangan mo pa bayaran ng dowry ang lalaki para lang kayo magkatuluyan. sa states naman walang torpe... loser lang. hindi ko sinasabing loser ang mga torpe. ibang context kasi, kaya unfair pag in-equate mo ang dalawang term. para mo na ring tinawag si justin timberlake na itang tisoy.

kung hanggang ngayon ay hindi mo pa alam kung ano ang torpe... maghanap ka na lang ng condom ng baboy (kahit i-search nyo sa google, imposible yan, deduce nyo na lang kung bakit). matagal nang may torpe, nagsimula noong ice age. panahon pa ni mahoma. kelan yun? sino yun? itanong nyo sa lupa, sasagutin kayo ng langit.

ayon sa aking masusing imbestigasyon at pananaliksik, karamihan sa mga torpe ay gwapo. ang kapal naman ng nagsusulat nito. hindi ko naman sinasabi na gwapo ako, pero i can be proud to say na hindi ako nilikhang pangit. ika nga ng pinsan ko. pag ang maganda at guwapo nagkatuluyan, meant to be. pag parehong pangit, meant to be rin. pag gwapo at pangit, tinutukan ng baril ang lalaki. pag pangit at maganda, magaling dumiskarte. ika nga nila, you can't have it all. matalino ka man o guwapo, maaari kang mamatay nang single at mahirap. meron namang ilang bobo at pangit, namamatay nang mayaman at maraming chicks.

hmm... matapos ang ilang sandali ng pag-iisip, aking nadiskubre kung bakit ako kabilang sa NGSB. ang madalas na sagot ng mga kalalakihan kung bakit sila taga-NSGB ay: magastos magka-GF; aral muna; saka na lang; marami namang babae dyan; collect and select muna; gotta catch'em all; at kung anu-ano pang kabalbalan. sa aking karanasan, may tatlong kadahilanan:

1. Idealism - (e.g. gusto ko ganito maganda, matalino, blah blah)
2. Pride - (e.g. hindi ako manghahabol, ako ang hahabulin)
3. Katorpehan - (e.g. ...*blushes*)
   

Ayoko na i-expound dahil ayokong i-waive ang aking right to privacy according to Article 3 Section 3 of the 1987 Philippine Constitution. kung sa bagay, hindi ko pa ito nababanggit sa kahit sa anong heart-to-heart talk conversation na nasalihan ko. nagpapasalamat ako sa single-blessedness. masaya maging single, what more pag double. pagkatapos ko sabihin lahat ng iyan, hindi naman ako talaga torpe (at hindi ako pangit... at hindi ako bobo), hindi ko pa
lang talaga nahahanap si Sleeping Beauty... tulog kasi ako nang tulog.

P.S.
Sa mga makakakita kay Sleeping Beauty ipagbigay alam lang sa may-ari ng blog na ito. Huli siyang namataang nag-sleepwalk. at bawal ang plagiarism. salamat po.

.:yomz:.